كلام من القلب

موضوع: كلام من القلب الأحد نوفمبر 22, 2009 6:23 pm

بسم الله الرحمن الرحيم

الفكره دى معايا بقالها فتره

وبجد هتقربنا من بعض اكتر واكتر

هنعمل ايه .....

لو تعرفو برنامج اسامه منير هى حوارات ونصايح الحب

بس مشكلتنا اننا مبنقلش كل اللى فى قلوبنا

ولو اتكلمنا مش هنتكلم بصراحه

كلامنا هنا مش على ولاد وبنات .......لا على الشخص اللى فى قلبنا او

اللى كان فى قلبنا ......كلام عن لحظه حب بريئه عن سعاده وامنيات كنا بنحلم بيها

كلام من القلب وبصراحه مش هزار ....احترام لمشاعر نا وانصات لحكاوينا

نحترم كل دمعه نزلت من عنينا...ونتشارك فى كل فرحه بتخرج من قلبنا

اكتب عن قلبك انت بس

اكتب عن احساسك ...عن حبك ...عن اهاتك

اكتبلنا مشكلتك...وصدقنى احنا بجد بنحبك

حبيت واتحبيت ....برده احكيلنا

اتجرحت وبكيت....برده احكيلنا

احنا هنا مع بعض دايما..اخوات واصحاب وحبايب

قول لما شوفته حسيت بايه....ولما سابك..سابك ليه!!!

اتكلم وصدقنى هنسمعك وهنحترم مشاعرك

احكي لو كنت بتحب....اتكلم لو نفسك تحب

خلى عندك الجرأه وادخل واتكلم وفضفض

وبرده على الجانب الاخر وبعد اذن الاداره انا عملت عضويه جديده

علشان اللى حابب يتكلم فى خفاء

اليوزر (اتكلم) الباسورد (123456)

ومتستناش ان حد معين هو اللى هيرد على مشاركتك

يعنى مش علشان انا اللى كاتب الموضوع يبقى ليا الحق بس انى ارد

لا طبعا...انا قولت فى اول الكلام اننا هنا بنخاف على بعض وبنحب بعض

وقلوبنا لازم تكون على بعض.....فممكن اى حد يرد على مشاركتك

لاننا بجد بنحبك....ولازم يلتزم الرد بالجديه واحترام المشاعر

ولازم تكون المشاركه جاده....ومفيش مجال للهزار

يارب الفكره تعجبكم...لانها هتفرق معايا واكيد معاكم

وارجو التثبيت من الاداره...ان شاء الله

مش عارف اقولك ايه

انا كنت بدور على فرصه زى دى من اول الزمان

عايز اتكلم عايز اشوف اى حل بس ما عرفتش او ما لاقتش الفرصه

ويمكن اكون انا اول واحد يدخل باليوزر ده

انا دخلت بيه مش علشان انا خايف ان حد يعرفنى

بس دخلت يمكن علشان يكونو عندكم الحل لمشكلتى

المشكله اللى معايا هى انى نفسى احب بجد ونفسى الانسانه اللى احبها تكون شريكة حياتى الى الابد

بس انا بقى زى ما تقولو

خايف جدا وبحاول اهرب مش عارف ليه

خايف ارتبط بانسانه وبعدين ننفصل

لان انا مريت بالتجربه دى قبل كده ومش عايزها تتكرر معايا

يمكن تقولو عليا معقد

بس انا اللى بطلبه منكم دلوقتى هو الحل

ياريت تقولولى اعمل ايه؟

وفى النهايه انا احب اشكر ملكة الرومانسيه صاحبة احسن موضوع

على انها سمحت لنا بهذه الفرصه وبشكركم جميعا

احب اشكر اختنا الجميله الرومانسيه ملكة الرومانسيه

والصراحه فكرة الموضوع فكره اكثر من رائعه

وفكرة اليوزر ده تم الموافقه عليه

بس بشرط وضع اليوزر ده تحت اشراف الاداره منعا لحدوث اى خطاء

وشكرا ليكى على المجهود الرائع

لكى منى خالص التحيه والتقدير

شكرا ليك يا محمد على الموافقه على الفكره

واحسن حاجه ان اليوزر تحت اشراف الاداره

وميرسي جدا على الكلام الجميل

والان هى بينا مع اول رساله
احب اقول لاخينا العضو اللى بعت الرساله

من وجهة نظرى ان الحياه مش هتوقف عند جرح صغير او كبير

ومش علشان مره جربت الحب وفشل يبقى خلاص تقفل قلبك

مادام انت تملك الكام من الحب والرومانسيه

يبقى لازم تحاول مره تانيه

وربنا يكرمك ببنت الحلال

لك تحياتى

بســم الله الـرحمــن الرحيــم

فكره جميله قوى...انا مش بدخل المنتدى كتييير علشان شغلى وكده

بس من الوقت ده هحاول استمر معاكم ان شاء الله

انا كان عندى مشكله كده وعايز رأيكم لو سمحتم

بعد تخرجي اشتغلت في فطره مش طويله سنه تقريبا اكثرمن 10 حجات بس مفيش وحده منهم

تنفع لشاب جامعي

ودلوقتي شغال في مكان معين بس علشان يقولو ده شغال مش قاعد في البيت

المهم

حبيت & وتحبيت

عشت اجمل ايام حياتي حسيت بحلاوة الدنيا رغم معاناتي فيها

ليس في هذه الدنيا اجمل من الاخلاص في الحب

شعور لايوصف ومشاعر لاتتجزا احسست منها الصدق بكل معانيه

في لمسات الايدي في همسات الكلمات

في دقات قلوبنا التي كانت تنبض كانها قلب واحد

احسست اني اسعد رجل في الدنيا لاني حصلت علي قلب صافي صادق مخلص ليس فيه غيري

كونا جالسين في احد المطاعم وبعد تناولنا الغداء

سمعت منها كلمات لا تصدق وقفت انظر اليها لا لستي انتي حبيبتي التي لاارى سيواها في هذه الدنيا

قالتلي وبصوت لا اكاد اسمعه انا في مشكله في حياتي

فقلت مشكلت ايه دي وانا جنبك وحنا مع بعض انسي الدنيا وخلينا هنا مع بعض

فقالت انا بتكلم بجد قلتلها في ايه قولي بسرعه اتكلمي

ومن خوفي عليها مسكت اديها وبصيت في عنيها

قالت انا مخطوبه من 6 شهور لواحد تاني بس انا مش بحبه انا بحبك انتا وعوزاك تتصرف وتحاول تعمل
حاجه

ومر امامي في لحظات شريط من الزكريات خاص بخمس شهور من عمري

كان كل هذا سراب اكنت اسير لهذا القلب المريض

وهنا تحطم كل شئ كل شئ

سبت اديها من ايدي ومشيت مش عارف الدنيا نويالي علي ايه

والمشكله الاكبر حبها الي مش راضي يبرد جوايا

مش قادر علي بعدها عني ومش طايق ابص في وشها تاني

خايف امشي معاها في طريق مش عارف هيوديني لفين

ومش قادر ابعد عنها

دي كانت الشئ الوحيد الحلواللى فى حياتى

اعمل ايه....انا تعبان قووووى...ومش مصدق اللى حصلى

بســم الله الـرحمــن الرحيــم

اولا انا بحييك على شجاعتك يا ايهاب....نتكلم بقى فى الجد

كلمتين من اخ ليك ياريت ماتضايقش منهم...

انت بتفكر فى ايه اصلا وانت بتكتب الكلام ده؟؟!!!

>>>>>الصدق بكل معانيه ؟؟؟؟!!!!!!!!!

طب ازاى حتى بينك وبين نفسك وانت بتفتكر كل اللى كان بينكو انك تفكر حتى فى كلمة صدق دى... ونفسك تنساها!!!!!!!!
مستحيل طول مانت بتفتكر قد ايه كانت ايام جميلة وقد ايه كانو احلى 4 شهور فى حياتك

تسمحلى...... دول اسوأ ايام فى حياتك وابشع ذكرى ممكن تفتكرها حتى بينك وبين نفسك

انا هعيد كلام انا واثق انك قولته مليون مرة جواك.....

دى خاينة
عارف يعنى ايه؟....... يعنى زى مابتخون خطيبها اللى ضاحكة عليه (وعليك) وزى مابتخون اهلها اللى

هما اولى انها تحترم ثقتهم .......هى كمان بتخونك
اه بتخونك.......
كل كلمة قالتهالك مش من حقك وكل المشاعر اللى حسستك بيها مش من حقك........

اقولك حاجة تانية..... مش هى بس اللى خاينة...... انت كمان خاين.. هى حولتك لكده منغير مانت

تعرف... خلتك تسرق حاجة مش من حقك خلتك تضرب واحد انت ماتعرفوش غدر فى ظهره

تعرف حاجة....... كل واحد مننا يوم القيامة وهو بيعرض على ربنا وبعد الحساب بيجى كل واحد من

البشر لو ليه حق عنده بيعرضه على ربنا

اللى اتظلم بياخد حقه من اللى ظلمه

واللى اتسرق .... واللى اتشهد عليه زور

والاهم....... اللى اتغدر........ وانت دلوقتى عندك غدرة ..عارف هيه ايه.

غدرة اهل......... سيبك بقى من كل ده ..... انت بتقول

( كونا جالسين في احد المطاعم وبعد تناولنا الغداء --في لمسات الايدي في همسات الكلمات )

عارف ده معناه ايه
يوم القيامة هيجى المسئول عن رعايتها (الراعى) سواء ابوها او اخوها هيقف قدام ربنا يطلب حقه

منك لما غدرت بيه وضحكت عليه من وراه انت وبنته (اللى هو محاسب عليها)

ساعتها هتعمل ايه؟؟؟؟؟؟؟؟؟

بعد كل ده بتفكر ان انت لسه بتحبها!!........ وهى السبب الرئيسى اللى حطك فى المواضع دى

ربنا يسامحها على اللى عملته فيك وفى الانسان البرئ التانى وفى الاول يسامحها على اللى بتعمله فى نفسها

هقولك جملة اتقالت قبل كده
الزوجة الصالحة رزق من الله ........
الانسان مبتلى وانت ابتلائك بسيط والله بس لو اصريت

انت مش هتدوس على زرار انسى فهتنسى..... بس لازم تاخد قرار

ان شاء الله ربنا هيرزقك بالانسانة (اللى على خلق) اللى تستحقك وتأتمنها على بيتك وربنا يرزقك منها الزرية الصالحة

وحياتك كلها تتملى حاجات حلوة.... وتنسى اسوأ جزء كان فيها

ربنا يهدينا ويهديك...ويارب الكلام يكون مقنع ليك

ولو عندك اى تعليق على كلامى...ياريت تكتبلى

وياريت لو حد عنده رأيى تانى يكتبه ونتحاور

ولو حد عنده مشكله ...لا يتردد...احنا اخوات قبل اى شئ

انا بشكرك يا ايهاب على شجاعتك لانك دخلت باليوزر بتاعك
مش معنىكلامى ان اى حد يدخل باليوزر المخفى يبقى جبان بالعكس احنا هنا كلنا علشان نحل مشاكل بعض
امـــــــــا
بالنسبة لمشكلتك ياايهاب
احمد ربنا انك عرفت الحقيقة فى وقت كويس نسبيا

ست شهور مش كتير فى ناس بتحب بعض بالسنين و فى الاخر بيسيبوا بعض

و بعدين انت ست شهور معاها و ماكونتش تعرف انها مخطوبة

يعنى اكيد فى حاجات تانية مخبياها عليك

ربنا يستر و الحمد لله انك عرفت الكلام دة فى وقت قليل

و ان شاء الله ربنا كاتبلك انك تكون مع واحدة تانية احسن منها

وانا بنت زيها وبقولك

اوعى تفكر ترجع ليها لانك عمرك ماهاتنسى حاجة زى دى ليها ابداااااااا

ماهى ممكن تكون تعرف واحد كمان غيرك او بعد ماتسيب خطيبها و تبقى معاك

تعمل الكلام دة مع واحد غيرك و زى ما قال كروان

انا حقول حكايتى

انا بنت

انا حبيت ولا كأن حد فى الدنيا كلها حب
ايون حبيت الحب لانه اتوجد من أجله حبيت الغيره لانها كانت فى طبعه
حبيت الاخلاص لانه دايما مخلص لى
حبيته وحبى ليه كان شويه عليه
حبيت الدنيا لما شفتها بعنيه
حبيت روحى لما سكنت جسده
حبيته ايوه حبيته

ومن غير خجل انا يمكن أكون جرحت انسانه معايا وظلمتها وظلمته

وهنا تبدأ الحكايه

بعد فتره من تعارفنا عل بعض وعشقى به أخبرنى أنه تعرف على انسانه أخرى
وصدمت والغيره أخذتنى ولكن
من حبى فيه كان عندى أمل انى أخليه سعيد
حاولت بجهل منى أن أقرب بينهما وقد حدث

ولظروف خاصه جدا بى لايمكننى ان أرتبط به الا فى سابع المستحيلات

وتعلق كل منهما بالأخر ووقع ان أحبها
لا أعلم لربما يكون حبه بى مجرد اعجاب أو العكس ولكنه أحبها
وحدث أن بعدنا عن بعض فتره طويله أكثر من ثلاث شهور
ومن ثم عدت أنا وكلى أمل أن أجد من ملك قلبى وفؤادى
لم أكن أعلم أنه فى البعد ننسى الحبايب
لم أكن أعلم
ومن كثره الالم خدعت نفسى وعدنا مره أخرى ولكن
بتعمق أكثر
نعم عدنا وتقربنا أكثر من ذى قبل
لم أكن أعلم أنننى أحبه الى هذه الدرجه
لم أكن أعلم أننى ممكن أن أضحى بعمرى من أجله
لم أكن أعلم أن حياتى مرتبطه به وبحبه
لم أكن أعلم

وعندها أعطيته كل شئ
كل شئ الحب والحنان والعطف والغيره والكبرياء والتملك
كل شئ
أعطيته نفسى ومن قلبها فانه كان قد تملك من روحى
كل ذلك وهو مازال يحبها لم أكن أعلم
ذلك أو كنت أعلم وأخدع نفسى

المهم عندما فاجاته فى عيد ميلاده بما لايتوقع
وفاجانى هو بما لم أتوقعه
أعطيته أنا الحب والرومانسيه والحنان
وبالمقابل أعطنى هو من الجرح أطنانا ومن الحزن ما يكفى ليحزن العالم كله
ومن كثرة حبى له سامحته واعترف لى وقتها بحبه لها وبحبها له

انصدمت ولكن قلب الأم قلت له بهذا اللفظ
مش مهم المهم انى أشوفك وانك تكون سعيد
انا مش معترضه بس بلاش تكذب عليا تانى ووعدنى انه مش ممكن يكذب عليا تانى ابدا
ومن يومها وهو انسان برئ بل بالعكس وعدنى انه حايسبها ويا لخيبة ظنى فيه وفى نفسى
المهم رجعت ريما لعادتها الاديمه

هى دى حكايتى مع الحب
ومتقولش انى ممكن أنساه فى يوم من الأيام لا يمكن بل على العكس تماما
هو حيفضل فى قلبى ده لو قلبى فضل على قيد الحياه

وكان نفسى أقول حاجه دلوقتى ممكن

أنا بحبك أوى أوى أوى

وحفضل أحبك حتى لو لسانى مش قدر يقولها لك بحبك
وقلبى حيفضل أثير مهما المسافات بعدت
بحبك وروحى ملك ليك وعمرى كله فداك
بحبك

ياريتت اعرف اللى عملتو صح ولا غلط

مش عارف بس هرد عليكى بعد شويــــــــــة [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

انا بصراحة مش عارف اعبر ازاى عن القصة الجميلة
ايوة زى ما بقولك كده
قصـــــة من اجمل ما قرأتــــ
انا هقولك الاول ع الحــــل
الصورة اللى فوق دى انتى عملتى زيها بالظبط
اديتيلوا كل حاجة بس مادلكيش اى حاجـــة
بجد انتى بتتمتعى بقلب مفيش اروع منه هو دا اللى بيميزك عن ناس كتير
و انك كمـــان بتفكرى فى غيرك اكتر من نفسك
و اللى عملتيه دا صح بس اللى عمله دا غلط انوا ساب واحدة زيك
اهنأكـــــ على احساسك الجميل
دا الحل
مصرااااوى
[ندعوك للتسجيل في المنتدى أو التعريف بنفسك لمعاينة هذه الصورة]

اولا بشكرملكة الرومانسيه جدااااا على فكرة الموضوع الرائع ده
ونحاول كلنا نشجع عشان الكل يتكلم براحته
ثانيا انا عندي راي متواضع في حكاية الاخت اللى اتكلمت عن حكايتها ان انتي ليه حطة نفسك رهينة لحب من غير امل زي منتي قلتي او اللي فهمتوا من كلامك
حلو انك تحبي وحلو انك تخلصي وحلو انك تعيشي لحبك بس ده لو في شعور مخلص من الطرف الاخر
لكن طالما الطرف الاخر ولا كانه هنا لا ده وكمان بيبتذل مشاعرك يبقى ليه تفضلي رهينة لحب زي ده!!!!!
حاولي تنسيه وان شاء الله هتلاقي في يوم من الايام الحب الصالح ليكي ويكن بيحبك ويقدر مشاعرك وخوفك واخلاصك ليه وتكملي معاه حياتك
بس لو فضلتي رهينة للحب ده يبقى بتقتلي نفسك بالبطيء لانه تقريبا مش حاسس بيكي والدليل انه حب غيرك
وانا مش بقلك هتنسي بسرعة هتحتاجي وقت طوووويل بس لازم تبدأي في طريق النسيان ومتقفيش مكانك او حتى تنتظريه

انا حبيت اشارك براي المتواضع ولو عندك تعليق على راي احب اكيد اني اسمعه

وتاني بشكر الموضوع الجامد ده

شكراااً سمـــــر ع الرد الحــــــلو

الحمد الله ان الفكره عجابتكم

وكنت مبسوطه جدا لما لاقيت التوبيك منتشر وفى تفاعل وحاز على رضاكم

لكم تحياتى

انا داخله علشان اشكر ملكة الرومانسيه على الموضوع الجامد ده

وياريت تسمحولى انى اشترك معاكم

السلام عليكم ورحمه الله وبركاته

انا بقى حكاية صعبة جدا

انا كنت بحب واحده ومكنتش قادر اقولها

وفضلت احبها فى صمت

حب من طرف واحد

ولما حولت اعترفلها

فوجئت باخى يتقدم ويطلب يدها

ووافقت على الزواج منه

والان هى ستتزوج اخى

وتبقى معى فى بيت واحد

وانا مازلت احبها

انصحونى ماذا افعل

انت يا بنى انصحك انك تمشى من البيت و خلاص
اصلها مشكلة صعبة جداااااااً
بس مع المفتش boy مفيش حاجة صعبة

هههههههههههههههههه

على رائى المفتش boy

مشكلتك صعبه جدا يااما ترضى بالامر الواقع وتنسى وتعتبرها اختك يااما تسيب البيت

هههههههههههههههههههههههههههههههههههههىىىىىى

كلدة كلام

اولا دا فكرة جميلة جدا ان الواحد يتكلم من القلب فعلا
بس هل ياتري في حد هايسمع وياتري ودا الاهم ان ايلي هايتكلم دا فعلا هايكون كلام من القلب
والا كلام وخلاص

مين الخ معنا فى المندى ولا

اولا انا احب اشكر وارحب بالعضوه حنان

واحب اقولها ان الكلام هنا كلام من القلب واكيد هتلاقى اجابه على كل كلمه انتى او غيرك من الاعضاء يقولها

وشكرا ليكى على انضمامك لاسرتنا المتواضعه

ثانكس

» كلام رومانسى جدا
» للصمت كلام اجمل
» كيف تحل الطمأنينة في القلب
» حضور القلب في الصلاة
» كلمات رقيقة تلامس القلب .. فهل تجد لها نصيب من قلبك!